فاجأت حبيبة نبيل معوض والدتها المخرجة إيناس الدغيدي أثناء استضافتها في أول ظهور إعلامي لها بعد زواجها من رجل الأعمال أحمد سوكارنو، قائلة: كنت مبسوطة جدًا إمبارح، وعائلتي كلها كانت سعيدة بزواجهما، وانبسطت أكتر لما شفت الفرحة اللي كانت فيها.
ابنه إيناس الدغيدي تتحدث عن زواجها
وعن غضبها مما كُتب على السوشيال ميديا ضد زواج والدتها، علقت خلال مداخلة هاتفية مع برنامج الصورة مع الإعلامية لميس الحديدي على شاشة النهار: لا، من زمان وأنا عارفة ومتعودة، خاصة إني بنت إيناس الدغيدي، فمش مهتمة بالانتقادات ولا بأي حاجة، مش بتهزني الحاجات دي.
وعن الوقت الذي استغرقته لاقتناعها بزواج والدتها قالت: لو كنت أصغر في السن شوية كنت ممكن أبقى مضايقة، أي بنت ممكن تتضايق لما تلاقي أمها تتجوز وتحس بغيرة إن حد هياخدها منها، لكن أنا بشيل همها كتير، ودلوقتي مبسوطة إن في حد جنبها يكون ظهر وسند ليها، خاصة إني عندي شغل وحياة وأطفال وبنشغل عنها كتير.
حبيبة ابنه إيناس الدغيدي: اطمنت عليها بعد الزواج
وأبدت حبيبة ابنه إيناس الدغيدي إعجابها برجل الأعمال سوكارنو قائلة: لما شفت أنكل أحمد اطمنت عليها كتير.
والتقط أطراف الحديث زوج إيناس الدغيدي قائلًا: ما كنتش قلقان من رد فعل حبيبة، لأن هدف أي ابن أو بنت إنهم يشوفوا باباهم ومامتهم سعداء، والهدف من ارتباطي بإيناس إني أسعدها وأضيف ليها في حياتها، وأنا متأكد إن حبيبة بتحب مامتها.
وعن رد فعل أبنائه من زواجه علق قائلًا: البنات لسه مش مستوعبين، لأن البنات بتغير على أبوها، ولكن الابن اقتنع من أول لحظة وبارك وهنأ، وبنتي الكبيرة باركت لي، ودي خطوة جيدة.
